TERAPIA CENTRADA EN SOLUCIÓNS PARA NENOS, NENAS E ADOLESCENTES DO SÉCULO XXI

A ATFM de Galicia organiza para o sábado 9 de setembro de 2017  a xornada "Estratexias en terapia centrada en solucións para os nenos, as nenas e os adolescentes do século XXI" co psiquiatra e psicoterapeuta finés Ben Furman na Facultade de Psicoloxía en Santiago de Compostela.

Ben Furman é un psiquiatra de renome internacional, recoñecido prestixio e moi requirido como formador e supervisor no campo da terapia  centrada en solucións. 

É autor de máis de 20 libros, moitos dos cales foron traducidos a diferentes linguas. Entre os seus libros máis coñecidos destaca o seu bestseller “Nunca es tarde para  una infancia feliz” e os seus dous libros sobre habilidades dos nenos (Kid´s Skills),  en España coñecidos como “Yo soy Capaz” os cales se converteron nun método moi popular en Finlandia para axudar a nenos e nenas a superar todo tipo de dificultades emocionais e condutuais.

Ademais, baseado nos mesmos  principios de “Yo soy capaz”, Ben Furman desenvolveu un programa de adestramento de 5 sesións breves para pais,  coidadores  e profesorado titulado “Habilidades dos nenos para pais” (Kid´s skills for parents).  O obxectivo é ofrecerlles  unhas ferramentas útiles para facer fronte aos desafíos e dificultades na educación e crianza dos nenos.  O programa busca familiarizar aos pais con fillos de 3 anos en diante, incluíndo adolescentes, nos principios básicos da Terapia Centrada en Solucións e as súas aplicacións para pais. 

Para máis información sobre o traballo de Ben Furman pódese consultar a súa páxina www.benfurman.com ou a específica acerca do seu programa de intervención terapéutica www.kidsskills.org. Existe, tamén, unha aplicación deste programa para móbiles e tablets e un libro dixital “Kid´s Skills in Action” que se pode conseguir a través de Amazon.

  • Lugar: Facultade de Psicoloxía no Campus Vida en Santiago de Compostela.
  • Horario: De 10:00 a 14:00 h e de 16:00 a 20:00 h.
  • Prezo: Asociados, alumnos-socios, estudantes universitarios/as e desempregados 40 €. Resto: 80 €.
  • Podes facer a inscrición enviándonos un correo electrónico a Este enderezo de correo está a ser protexido dos robots de correo lixo. Precisa activar o JavaScript para velo.
  • Tríptico e ficha de inscrición en documento adxunto.

Certificaranse 8 horas de formación, válidas para a reacreditación do título de Terapeuta Familiar e dos diferentes niveis de docencia.

 

Attachments:
FileDescriptionFile size
Download this file (2017_09_09_triptico_GAL.pdf)Tríptico 346 kB
Download this file (ficha_de_inscripción.png)Ficha inscrición 34 kB

A ATFM de Galicia organiza para o sábado 17 de xuño de 2017 a xornada Ferramentas sexolóxicas básicas para a Terapia a cargo de Penélope Alonso Vázquez, licenciada en psicoloxía pola USC, especialista en Sexoloxía no Incisex (universidade de Alcalá), trainning en Sexoloxía clínica en Biko Arloak (Bilbao), con consulta privada de sexoloxía desde 2005, secretaria da xunta directiva da Asociación Estatal de Profesionales de la Sexología (AEPS) e presidenta da Asociación Sexus. 

  • Lugar: Facultade de Psicoloxía no Campus Vida en Santiago de Compostela.
  • Horario: Sábado de 10:00 a 14:00 h e de 16:00 a 20:00 h.

  • Prezo: Asociados, alumnos-socios, esudantes universitarios/as e desempregados 30 €. Resto: 60 €.

  • Descarga abaixo a ficha de inscrición

Certificaranse 8 horas de formación, válidas para a reacreditación do título de Terapeuta Familiar e dos diferentes niveis de docencia.

PROGRAMA

  • Introdución ás nocións básicas da Sexoloxía Sustantiva.
  • Conceptos centrais da Episteme Sexolóxica.
  • A parella como eixo central da Terapia, modelo de atención baseado na Teoría de Parella.
  • Abordaxe das dificultades eróticas máis comúns desde a perspectiva sexolóxica.
  • Unha aproximación ás realidades das identidades sexuais e orientacións do desexo.
  • Sexoloxía Clínica. Discusión de casos.
Attachments:
FileDescriptionFile size
Download this file (2017-06-19_[GZ]_cartel.pdf)CartazCartaz en Galego da Xornada1684 kB
Download this file (2017-06-19_[GZ]_triptico.pdf)TrípticoTríptico en Galego da Xornada810 kB

A Asemblea Xeral Ordinaria de socios/as terá lugar o vindeiro día 1 de abril ás 12:00 h en primeira convocatoria e ás 12.30 horas en segunda convocatoria coa seguinte orde do día:

1º Lectura e aprobación, se procede, das actas anteriores.

2º Informe do presidente.

3º Presentación e aprobación, se procede, das contas do exercicio 2016 e estudo e aprobación, se procede, do orzamento para 2017.

4º Informe da secretaria.

5º Outorgamento do recoñecemento de socios/as fundadores/as e de honra.

6º Propostas e suxestións.

 O lugar de celebración da Asemblea será o Salón de Actos da Facultade de Psicoloxía de Santiago de Compostela.

Attachments:
FileDescriptionFile size
Download this file (2017_asemblea_xeral_ordinaria.jpg)Convocatoria Asemblea OrdinariaConvocatoria Asemblea Ordinaria339 kB

O XXXVIII Congreso Nacional de Terapia Familiar da FEATF celebrarase en Cartagena os días 26, 27 e 28 de outubro no Auditorio y Palacio de Congresos El Batel. O tema deste Congreso será "Tratamientos actuales en Terapia Familiar. Conversaciones Singulares en Clave Sistémica".

A idea é ser un punto de encontro científico e didáctico sobre Terapia Familiar, para relacionarnos e contactar, para crear novos proxectos e seguir namorándonos da nosa profesión.
Para conseguilo dividimos o congreso en 6 plenarias, 4 mesas redondas, 14 talleres, comunicacións e pósteres.
As plenarias, con 6 temáticas diferentes, serán nesta ocasión de dous oradores/as que nos expoñerán como traballan, que lles funciona e que non. Conversarán, contestarán as túas preguntas e deixaranche a mochila chea de bos tratamentos.
As mesas redondas versan todas sobre violencia, temática que nos preocupa especialmente. Cada mesa estará composta por catro oradores/as experimentados/as que traballan en temas de violencia e ensinan a vencela. Teremos unha mesa de violencia na parella, outra de violencia filio-parental, outra de violencia cara á infancia e por último una de violencia nas aulas.
Tanto plenarias como mesas redondas contarán cun/ha entrevistador/a que con anterioridade poderán recibir as túas preguntas.
Os 14 talleres están por decidir e dependen das propostas que nos cheguen. O noso comité científico dará luz verde a aqueles que versen sobre Tratamentos Actuais en Terapia Familiar e de seguro que lles será complicado pois a calidade dos talleres que se presentan adoita ser alta.
Eliximos os faros porque nos representan como terapeutas familiares e xa sexa sós ou de dous en dous, guiamos ás familias para entrar sas e salvas no porto.

Para máis información, visita a web do Congreso aquí.

Attachments:
FileDescriptionFile size
Download this file (DIPTICO-CNTF2017.pdf)Díptico Congreso 715 kB

A Asociación de Terapia Familiar e Mediación de Galicia organiza os X Encontros Galegos de Terapia Familiar que terán lugar o sábado 1 de abril de 2017 no Salón de Actos da Facultade de Psicoloxía da Universidade de Santiago de Compostela.

Nesta ocasión pretendemos que os X Encontros sexan un espazo para compartir experiencias e todo aquilo que desexes dar a coñecer aos demais asociados/as. Por iso, este ano o programa depende de vós, coa presentación de comunicacións. Se xa tes a túa, envíanola a Este enderezo de correo está a ser protexido dos robots de correo lixo. Precisa activar o JavaScript para velo. (título, resumo e duración aproximada).

Lembra que para os/as asociados/as que estean ao corrente de pago os X Encontros son de balde. Tamén para os membros das asociacións federadas de Terapia Familiar. Para inscribirte, envía un correo electrónico coa ficha de inscrición.

Nestes X Encontros Galegos de Terapia Familiar buscamos "encontrarnos" e "reencontrarnos" con todos/as os/as asociados/as que acompañáchedes á ATFM durante estes 25 anos de existencia.

Tras a celebración das Asembleas de socios/as, celebraremos un xantar de confraternización sistémica no Monte da Condesa que nos gustaría compartir con todos/as os asociados/as.

Ás 16:00 h terá lugar o acto de recoñecemento aos anteriores presidentes e aos socios/as fundadores/as da ATFM para continuar despois coa presentación de máis comunicacións.

  • Lugar: Salón de Actos da Facultade de Psicoloxía 
  • Enderezo: Rúa Xosé Mª Suárez Núñez s/n. Campus Vida    15782 Santiago de Compostela
  • Horario: De 10:00 a 14:00 h e de 16:00 a 19:30 h (Acreditaranse 7 h de formación)
  • Non socios/as: 60 € e estudantes universitarios e desempregados/as: 40 €

Descarga abaixo o cartaz dos X Encontros Galegos de Terapia Familiar e a ficha de inscrición

PROGRAMA:

  • Conferencia: "ATFM: 25 anos de historia"
  • Presentación de comunicacións libres.
  • Asembleas Ordinaria e Extraordinaria de socios/as.
  • Xantar de celebración do 25 aniversario
  • Acto de recoñecemento aos presidentes/as e aos fundadores/as da ATFM
  • Presentación de comunicacións.
Attachments:
FileDescriptionFile size
Download this file (2017-04-01_[GZ]_cartel copia.png)Cartaz X EncontrosCartaz X Encontros155 kB
Download this file (2017-04-01_[GZ]_ficha_de_inscripción.png)Ficha inscriciónFicha inscrición38 kB